Pagpaparehistro Para Makaboto
Upang makalahok sa isang halalan, kailangan ng mga Taga-California na magparehistro upang makaboto nang hindi lalampas ang 15 araw bago ang Araw ng Halalan.
Para dito at ibang mahahalagang huling araw sa halalan, tingnan ang Mga Petsa at Tagatulong sa Halalan.
Paano ka magpaparehistro upang makaboto bago ang huling araw?
Upang magparehistro para makaboto, dapat mong kumpletuhin ang isang porma ng pagpaparehistro ng botante. Magagawa mo ito sa pamamagitan ng:
- Pagkumpleto ng isang porma ng pagpaparehistro ng botante ngayon. Ilagay lamang ang impormasyong hiniling sa porma, saka ilimbag ito, pirmahan ito at ipakoreo ito nang tuwiran sa inyong opisina sa mga halalan ng county;;
- Pagkuha ng isang porma mula sa inyong opisina sa mga halalan ng county, lokal na aklatan, o tanggapan ng koreo ng U.S.; o
- Pagtawag sa walang-bayad na Linya ng Botante ng Sekretaryo ng Estado sa (800) 339-2957 at paghingi ng porma.
Kung ikaw ay may lisensiya sa pagmamaneho sa California o kard ng pagkakakilanlan sa California, dapat mong ilagay ang numero sa porma ng pagpaparehistro. Kung wala ka ng isa sa mga pormang ito ng pagkakakilanlan, ibigay ang huling apat na bilang ng iyong numero ng social security. Kung wala kang numero ng social security pero karapat-dapat magparehistro para makaboto, itatalaga sa iyo ang isang walang-katulad na nagpapakilalang numero para sa pagboto lamang.
Sa sandaling magparehistro ka maaari kang lumahok sa lahat ng mga pang-estado at lokal na halalan, at hindi kailangang magparehistrong muli para makaboto maliban kung lumipat ka sa isang bagong tirahan, pinalitan ang iyong pangalan o pinalitan ang iyong kinasasapiang partidong pampulitika.
Sino ang maaaring magparehistro at bumoto pagkatapos ng huling araw?
Ang batas ng estado ay nagpapahintulot sa ilang bagong mamamayan at bagong residente ng estado na magparehistro para makaboto at ipatala ang isang balota kahit na hindi siya magiging karapat-dapat hanggang sa huling araw ng pagpaparehistro ng botante para sa halalang iyon.
- Mga bagong mamamayan
- Kung natugunan mo ang lahat ng ibang mga iniaatas upang makaboto sa California pero hindi magiging mamamayan ng U.S. hanggang sa mas kaunti sa 15 araw bago ang susunod na halalan, maaari ka pa ring magkaroon ng pagkakataon na magparehistro para makaboto at ipatala ang isang balota. Upang magawa ito, kailangan mong bisitahin ang inyong opisina sa mga halalan ng county, o ibang lugar na itinalaga ng county, kahit kailan hanggang sa pagsasara ng mga botohan sa Araw ng Halalan. Dapat kang magdala ng katunayan na ikaw ay isang mamamayan ng U.S., at pirmahan ang isang apidabit na nagpapahayag na ikaw ay karapat-dapat bumoto sa California.
- Mga bagong residente
- Kung natugunan mo ang lahat ng ibang mga iniaatas upang makaboto sa California pero hindi magiging residente ng California hanggang sa mas kaunti sa 15 araw bago ang susunod na halalan, maaari ka pa ring magkaroon ng pagkakataon na magparehistro para makaboto at ipatala ang isang balota sa isang pampanguluhang halalan. Upang magawa ito, kailangan mong bisitahin ang inyong opisina sa mga halalan ng county nang hindi lalampas ang 7 araw bago ang Araw ng Halalan. Dapat kang pumirma sa isang apidabit na nagpapahayag na ikaw ay karapat-dapat bumoto sa California at hindi pa nakaboto sa kaparehong halalan sa alinmang ibang estado. Bilang isang bagong residente ng California nang walang pang 15 araw, ikaw ay karapat-dapat bumoto para sa Presidente at Bise Presidente, pero hindi para sa ibang katungkulan.
