អ្នកបោះឆ្នោតថ្មី

យើងសូមអរគុណអ្នក ចំពោះចំណង់របស់អ្នក​ ធ្វើជាអ្នកបោះឆ្នោតនៅរដ្ឋកាលីហ្វ័រនីញ៉ា!

កំឡាំងនៃប្រជាធិបតេយ្យភាពរបស់យើង អាស្រ័យទៅលើឆន្ទៈនៃពលរដ្ឋរបស់យើង ដើម្បីជួយ​ជ្រើស​រើស​ មនុស្សដែលនឹងដឹកនាំយើង និងធ្វើឲ្យសំឡេងរបស់យើងឮ ទៅលើរឿងរ៉ាវសំខាន់ៗ ចំពោះអនាគតនៃរដ្ឋ និងប្រទេសជាតិរបស់យើង។

ទោះបើអ្នកមិនដែលបានបោះឆ្នោតនៅសហរដ្ឋពីមុនក៏ដោយ ឬធ្លាប់មានពិសោធ ជាអ្នក​បោះឆ្នោត ដែលបានផ្លាស់មកនៅរដ្ឋកាលីហ្វ័រនីញ៉ា មកពីរដ្ឋផ្សេងក៏ដោយ ក៏ព័ត៌មាននៅលើវ៉ឹបសៃត៍នេះបាន ​ធ្វើឲ្យការបោះឆ្នោតជាបទពិសោធន៍ ជារង្វាន់សំរាប់អ្នកដែរ។ នៅទីនេះ អ្នកនឹងរកឃើញប្រដាប់ប្រដា និងព័ត៌មានដែលអ្នកត្រូវការ ដើម្បីចុះឈ្មោះបោះឆ្នោត ចុះឈ្មោះ​បោះឆ្នោតតាមសំបុត្រ រកទីកន្លែង​បោះឆ្នោតរបស់អ្នក ប្រុងប្រៀបខ្លួន ដើម្បីបោះឆ្នោត​ជាលើក​ដំបូង និងទទួលចំឡើយ​ចំពោះសំណួរ​របស់អ្នកអំពីការបោះឆ្នោត។

ជាមួយនឹងគោលដៅនៃការបណ្ដាចិត្ដ និងប្រុងប្រៀបពលរដ្ឋគ្រប់ៗរូបដែលមិនសិទ្ធិដើម្បីបោះឆ្នោត រដ្ឋលេខាធិការ​ក៏ផ្ដល់ទំព័រអ្នកបោះឆ្នោតថ្មីនេះ ថែមទាំងសំភារៈជាប់ទាក់ទង និងលេខទូរស័ព្ទពិសេស​សំរាប់​​​អ្នកបោះឆ្នោត ជាប្រាំមួយភាសាថែមទៀត រួមមានភាសា អេស្ប៉ាញ៉ុល, ចិន, ជប៉ុន, កូរ៉េ, តាហ្កាឡុក,​និងវៀតណាម។ សំរាប់ព័ត៌មានជាភាសាទាំងនេះ សូមជ្រើសរើសពីមាតិកានៃ "ព័ត៌មានអ្នកបោះឆ្នោតថ្មី" តភ្ជាប់នៅខាងឆ្វេងនៃទំព័រនេះ ឬទូរស័ព្ទទៅលេខឥតចេញថ្លៃ លេខពិសេសជំនួយ អ្នកបោះឆ្នោត របស់យើង។